泰 (黃大仙) - CP值高👍🏿特色泰式冬陰火鍋

今日經朋友介紹之下，同一位友人嚟到黃大仙呢間嘅泰國菜，嚴格來講，其實係位於黃大仙同鑽石山之間嘅位置，近近地鳳德邨，小編由鑽石山地鐵站行過去，大約要10分鐘左右。不過為咗食好西，行幾遠又有咩所謂呢🤣🤣🤣

0

去開呢邊食嘢嘅朋友都知，呢條係一條暗斜路，都好多好食嘅餐廳，基本上行兩行，就會見到呢間餐廳嘅存在，喺正759嘅旁邊👍🏿👍🏿

0

入到餐廳坐低，餐廳嘅環境，同頭先係門面望入去感覺都係一樣，有種舒服嘅感覺。餐廳嘅設計唔似原始泰國餐廳，感覺係有中西合璧嘅感覺👍🏿

0

睇睇餐牌，呢間餐廳其中一個主打同推介就係佢哋嘅泰式火鍋，其實泰式火鍋都好少見，好少聽到會話用冬陰功湯底嚟做打邊爐😧雖然湯底同火鍋配料都要分開叫，但係咁特別，冇理由唔試試佢啦！

所以小編就叫咗冬陰公湯底，右邊就叫左一個B套餐👍🏿(因為唔使諗🙈)

0

其實佢本Menu都好大本，見到佢除咗有泰式火鍋之外，當然仲有傳統嘅泰式少菜啦！呢度做俾大家睇睇，餐廳都有提供一啲多人嘅套餐，價錢其實唔錯，入邊都有好多選擇👍🏿👍🏿

0

呢個就係餐廳提供嘅飲品，見到有除咗普通嘅汽水奶茶咖啡等等，當年唔少得嘅就係泰式飲品啦😀😀

0

嘢食嚟啦，呢個就係套餐B !佢係供兩人食用嘅，見到佢啲份量都唔少，樣樣齊咁，仲要入邊好多配料嘅size都比較大，例如見到左上角嘅青口，中間一大執嘅粉絲，同埋圖上方嘅菜等等

中間嘅位置甚至乎有一隻生雞蛋比客人，原來唔係比客人打開來食既，原來係原隻生蛋咁樣放落火鍋度好似烚蛋咁食🙈👍🏿

0

飲品方面，小編同友人都叫咗一個椰青，呢個椰青不得了！呢一水貨非常清甜！飲第一啖嘅時候，完全飲到椰青嘅鮮甜味，甜到不得了！入面嘅椰青肉都好嫩白！真係直頭好飲過小編係泰國飲嗰啲！

高度誠意推介呢個椰青👍🏿👍🏿(不過當然,都要睇咁啱嗰一水貨係咩唔靚嘅🙈)

0

呢個係套餐嘅鮮雞，見到佢啲肉質都唔會話太肥，分量都幾多，分分鐘有半隻雞禁多！食落嗰陣，肉質都幾鮮嫩，唔會有陣冰鮮味道，值得一試👍🏿👍🏿

0

呢個就係冬陰公火鍋啦！見到個鍋嘅大細，其實好似一人火鍋咁，如果兩至三個人食其實冇乜問題，不過可能每次落嘅配料唔可以太多👍🏿👍🏿

呢個冬陰公湯底非常好食，唔會太酸亦都唔會太辣，客人亦都可以要求餐廳方面可以加啲辣落去👍🏿湯底入邊已經有一d蝦，芫茜等等。。色香味俱全！

0

大家可以近鏡睇睇👍🏿👍🏿😋

0

配料之中，其中好有驚喜嘅就係呢個青口，呢個青口非常好食，亦都非常之大，大家可以睇睇呢隻青口足足有半個鍋咁大隻。。

第一次配以冬陰公味咁樣食青口，原來都真係唔錯啵🙈👍🏿

0

由於個椰青真係太好味，所以之後都要再調多杯飲品，分別係小編叫嘅青檸梳打，仲有小編有人叫嘅鹹檸七👍🏿👍🏿

兩杯都好好味，先講呢杯青檸梳打，飲得出係由泰國本地嘅梳打水調教👍🏿呢個就真係出咗名好飲啦😋而鹹檸七方面，飲完亦都有種解喝嘅感覺👍🏿

總括而言，呢間泰菜係正嘅👍🏿如果10分滿分嘅話都真係幾9.5分嘅啦！當晚所食嘅所有嘢食都好好味，另外特別就係餐廳嘅服務態度非常好！呢個係真係值得一讚，真係用心服務同運作嘅👍🏿

希望大家都可以試試佢，一齊分享下呢啲好嘅嘢食😉👍🏿

輝記雞煲火鍋 (觀塘) - CP值高 服務好好 值得一試

宜家食雞煲既餐廳開到周圍都係，想食到既話真係好容易，不過要搵間有質素又好味既，真係唔係禁隨便。。。🤧

小編就推薦呢間位於觀塘市政大樓嘅雞煲火鍋👍🏿💪🏿

0

雖然係位於市政大樓入面，本身都可能擔心佢嘅環境會唔會比較惡劣呢，但係一上到去見到門面，感覺係整齊乾淨，唔會有即刻走頭嘅感覺😂

0

坐低左之後就可以睇睇menu，最左手邊果行就係揀雞煲或者湯底，咁少邊度有人走當然揀食雞煲啦，咁小編當然就叫咗雞煲啦，只係叫咗BB辣，因為個煲會愈煲愈辣👍🏿

由於佢唔係任飲任食嘅模式，所以右手邊所有嘅配料都係需要散叫，額外收費嘅👍🏿都有個好消息，就係唔使叫到成五曬，同埋啲食物質素真係高啲嘅🤤👍🏿

0

呢間雞煲餐廳亦都主打海鮮，呢啲就係海鮮嘅收費

0

個雞煲上枱喇！個煲一拎到埋黎張枱嘅時候，強勁嘅重慶雞煲味即時湧現，暫時未欣賞到下面d雞嘅時候，佢面頭上面嗰d芫茜都已經覺得好正，好香既芫茜味！另外點雞煲亦都會奉送一份生菜比客人嘅👍🏿

0

煮到咁上下，撈一撈個煲先👍🏿一撈起個煲，啲香味真係已經搞到忍唔住啦。。入面雖然只係得半隻雞，但係份量都幾多之餘，原來重有好多豆卜，洋蔥，蒜頭等配料👍🏿

0

講完個雞煲，啲雞食得7788嘅時候，其實都可以開始加湯再打邊爐繼續👍🏿

先來既係呢個雪花肥牛，我諗散叫另外收費模式真係唔同啲，因為同任飲任食嘅食物質素真係好唔同，可以見到呢啲肥牛嘅脂肪分布相對比較平均，都會太肥或唔新鮮👍🏿👍🏿👍🏿食落，真係牛味都重啲嘅

0

山水豆腐，呢個豆腐感覺都覺得新鮮，因為食落真係好有豆腐味，感覺就好似係樓下街市買上黎即刻嚟煮嚟食禁🙈👍🏿

0

呢個韭菜餃真係唔錯，因為餐廳指佢係自家製，先講佢係皮薄涵靚，外層塊皮唔厚，入面嘅韭菜同埋調味都做得好好，真係包你話好食，同埋完全係感覺到佢係自家製👍🏿 高度誠意推介呢個😀👍🏿

0

黑牛柏葉👍🏿呢個如果係去任飲任食既雞煲應該冇得食啦掛，佢呢個黑牛柏葉爽口彈牙，大大塊，好有口感👍🏿

0

呢個係牛骨髓，係小編嘅友人叫嘅，小編自己就唔係好識欣賞啦，因為食落味道冇乜，談談地，感覺有少少好似食緊硬左小小嘅腸粉咁，個質地係有啲搞笑嘅🙈

0

最後就要講個呢個炸魚皮啦，佢非常新鮮，卜卜趣，唔會有油益味，放落個湯底度浸一浸再拎返起佢，即刻食，嘩好好味呀！🙈🙈

如果大家去開觀塘，又想搵食雞煲，又想搵啲有質素嘅，不妨諗諗呢間👍🏿👍🏿真係幾正😋

0

玉桃軒酒家 (觀塘) - 12點前落單仲係早 邊度搵呀

觀塘鱷魚恤大廈成幢都差唔多比酒樓佔據，大部份晚上都係用來做飲宴嘅，當然亦都有早茶，午市及下午茶嘅運作。

今日小編就同兩位有人大約11:45嚟到玉桃軒呢度諗住飲啖茶食個包，驚喜發現，原來12點前落單都仲係可以用早茶嘅價錢去落order！

0

可能係因為平日，大約12點呢個鐘數，人客唔算多，所以都好快可以入座了👍🏿

0

啱啱講個12點前落單仍然可以enjoy到早茶嘅價錢，唔係講笑，早茶同午市個價錢雖然唔係差太多，但係加加埋埋都可以慳唔少，甚至乎食多兩樣點心都得啦！

總之一句，係抵食嘅！仲有就係12點前仲係早茶，呢啲酒樓真係好少見了😪

0

0

呢個係蝦餃王，基本上全部酒樓都定呢個點心為頂點，呢度都唔例外，但係呢度嘅蝦餃係絕對值頂點嘅，因為皮薄涵靚，重重嘅鮮蝦味，外皮又唔會太厚，一口食落去，正！

0

醬皇蒸鳳爪，雖然每隻鳳爪都唔算大，但係就整得好入味，就唔會太油，幾好食👍🏿

0

除咗蝦餃，燒賣當然都唔少得，呢度個燒賣又係正嘅，因為入邊有大大隻嘅蝦肉，成粒燒賣嘅味道適中，唔會太鹹，亦都唔會太重麻油等等嘅調味料味👍🏿👍🏿

0

由於仲係早茶時段嘅關係，所以仍然有呢個豉油王銀牙炒面食，呢個炒麵同平時喺出邊粥鋪食既有啲分別，首先講麵質，比較粗身，另外佢嘅配料亦都非常多，大家一眼就可以睇到，紅蘿蔔絲等等嘅配料都非常多，雖然細細碟不過感覺好抵食！

0

呢個其實都係點心嘅一種，全名係燒汁釀茄子，個感覺有啲好似去咗串燒店食嗰啲燒茄子一樣，但係佢呢個驚喜就比較多，因為整得好好食，茄子經過煎香，釀入魚肉，配上燒汁，絕不油膩，非常香口，幾有驚喜👍🏿👍🏿

0

好多人都會飲早茶嘅時候整碗飯，係唔錯嘅選擇，呢一個係章魚肉餅飯，細細個，分量太多，但係味道唔錯，肉餅唔硬，配上豉油白飯，真係兩啖就食晒🙈

0

蒜蓉鮮蝦春卷，大大粒嘅鮮蝦係入邊，上枱嘅時候熱辣辣，加上少少嘅喼汁，香脆可口，大人細路都鍾意😀

0

到最後，部長亦都好好人禁送咗一碗糖水俾我哋 ，因為佢話午市幫襯，就會有糖水送，呢個係南瓜西米糖水，本身以為好甜，點知其實係好好食，味道唔太甜之餘，煲到軟綿綿嘅南瓜絲，配上西米，感覺有啲似楊枝甘露，口感一流🤤

總結而言係，如果大家可以係12點前去到就非常好，因為真係可以享受早茶嘅價錢，但係午市時間進食👍🏿

雖然同一棟有好多酒樓選擇，但係如果真係揀唔到邊間比較好，呢間係唔錯嘅選擇👍🏿

0