彩福皇宴 (沙田) - 龍蝦大優惠 晚市又幾抵

呢間酒樓其實平時都有黎飲下早茶或者下午茶，晚市就真係比較少食。而今啱呢間酒樓就做緊龍蝦節，用加拿大龍蝦黎做晚市優惠，小編已經係第二次黎食啦，仍然覺得保持水準，呢個優惠係抵食嘅！

0

游水加拿大龍蝦依家就係做緊呢個晚事優惠，都只係＄78斤，如果大家有留意龍蝦嘅價位，其實呢個價係非常之抵食！客人仲可以揀上湯開邊焗，又或者係蒜蓉開邊蒸都可以，而酒樓亦都好細心咁可以比客人自選其他嘅食法，但係就需要每隻加＄20(如圖右下) 👍🏿👍🏿

所以呢個晚市優惠真係必食必叫！

0

0

而上邊呢兩個都係晚市嘅餐牌，供大家參考，有好多選擇之餘，其實有好多菜都好正！

0

上菜啦！第一個嚟嘅就係＄58 半隻嘅脆皮南乳雞，呢隻雞真係做得好好，就算係第二次來食，都係好掂，因為佢真係做到外脆內軟，未到就唔會太鹹，加埋啲南乳醬汁，真係好好食！真係一放上枱就知好唔好食！😝

0

呢個係＄78嘅彩椒鳳梨咕嚕肉，其實呢個又係第二次食，因為佢啲咕嚕肉真係做得唔錯，肉質唔硬，未都唔會太酸或者太甜，仲有咕嚕肉嘅外層炸粉唔厚，如果要比分嘅話，分數都幾高嫁呢個菜🙈重點係唔知點解啲老一輩都幾鍾意食咕嚕肉，哈哈哈哈。。

0

呢個係＄90嘅例牌招牌小炒王，一睇落去，賣相唔錯，好似樣樣齊咁，都幾足料，啱晒鍾意食腰果，食蝦，食帶子嘅朋友，每樣野都吵得幾香口，味道亦都唔算太濃👍🏿👍🏿

0

呢條魚都幾不得了，就係重一斤二兩嘅沙巴龍躉班，都只係＄148條，其實係足夠四個人食嘅，不過小編當晚都只係三個人食，但係都食得晒，因為佢肉質鮮嫩，唔會正得好過火，感覺都幾新鮮，因為小編嘅爸爸鍾意食魚，所以呢個就變成其中一個必叫嘅菜式了😀

0

最後就係呢隻龍蝦啦👍🏿先講賣相，已經唔錯啦！先講上面啲蒜蓉同埋蔥粒，都已經見到佢哋用料唔會手緊，加上蒸到好靚嘅龍蝦大大隻，但係睇外表，就已經嘩咗出嚟🤤

講到佢嘅肉質，雖然食落有少許un，不過其實食得出隻龍蝦係新鮮嘅。可以成隻龍蝦肉挑起出嚟，啖啖肉，感覺真係好正😭👍🏿最後就係，呢間分店個裝修好靚，因為都有做婚宴，所以有返禁上下質素。另外，枱既分佈都唔會太迫，唔會話坐得唔舒服👍🏿 

呢張相係當晚八點既時間影既，都全場爆滿了，所以大家可能真係要早d到，搵定位，飲多兩杯啦🙈

0