博多拉麵別天神 (灣仔) - 鬧市中快快食碗正嘅拉麵

0

灣仔區出名多嘢食，如果唔想下下自己一個食快餐店，其實拉麵都係一個選擇👍🏿呢間店就一眼就睇晒，座位大約得10個左右，全部都以吧枱嘅形式進食。一坐埋去就可以落order架啦😀

0

佢啲拉麵款式唔多，主要其實得兩種，第一種係豚骨拉麵， 第二種係期間限定既蝦味噌豚骨拉麵👍🏿

因為第二種相對比較特別，所以小編就揀咗蝦味噌套餐，呢個套餐除咗拉麵外，客人重可以係餃子同沙津之間選其一。小編就揀咗一碟四隻嘅餃子😋

0

0

由於坐係吧枱嘅關係，所以廚師會直接將碗拉麵第比客人，所以碗拉麵一黎到果陣都相當熱👍🏿大家可以望望上面d料，除咗有好靚嘅糖心蛋之外，仲有大量嘅櫻花同埋蔥粒，真係好足料😀

0

大家可以睇睇，麵條嘅分量正常，啱啱講嗰個配料就真係好多，靚靚嘅糖心蛋，另外仲有兩塊豚肉添👍🏿

0

呢個就係跟餐嘅四隻餃子，餃子嘅味道都唔錯，外邊嘅皮唔會太厚，煎得幾香脆，咬落去，入邊亦都有好多肉汁，得四隻真係意猶未盡啊！

0

最後就係呢間野亦都同其他拉麵店有相似嘅地方，當然係日本嘅文化黎啦，就係有清茶提供比客人飲用，真係如果人多，唔阻住人哋做生意，又有時間既話，就坐低飲多兩杯啦🙈