米路帶你食好西 (Eat Good West with MILO): 2月 2017

食代館 (旺角) - [場內的越南菜] 差劣的唯一越南菜👎🏿望到個飯已經頹左

場內的越南菜] 入面只得一間越南菜，正面入口行到入最後方附近既位置，一心想試試，結果伏已中到應一應，小編同友人各叫左一個飯。。。老實講，好耐未食過$4x蚊但頹到禁既飯。。。真係食到😧曬！

一個係咖哩雞扒飯，一個係肉碎煎蛋咖哩雞扒飯。先講塊雞扒，乾硬到不得了，完全無口感可言，而d咖哩汁又重有d粉係度，d肉碎又酸到不得了。最後個湯，咸到。。。。真係飲左兩啖都已經頂唔順。。

只想講，一個都算大商場遊客區既food court，food court 場內又係得你唯一一間既越色菜，d質素點解可以差到禁。。。食完都只可以得啖笑😪

一定無下次！

蕃滿門 (大埔) - 又黎食蕃茄湯

入到大埔指定的飯堂之一，真係好好食。其實食呢間野既次數都應該一隻手數得曬，話多唔多話少唔少，因為大埔其實真係好多野食(小編並非住大埔)，但十次真係有5,6次都係會選擇返食佢！

蕃茄湯當然係主打，做得好好味，唔會太傑又唔會好似屋企煲湯禁，又有多款粉麵比你選擇。同時，都有多款送菜配搭，係午/晚餐既一個好地方

招牌豬手, 蕃茄湯配螺絲粉(微辣)

跟套餐包括的菠菜薯餅同牛油粟米，不過呢個比較一般，無咩特別，所以其實可以唔洗刻意跟餐

海皇粥店 (馬鞍山) - 馬鞍山恩物之一

馬鞍山唯一一間專門食粥品既餐廳，當然唔係自家小店又唔係平又唔係特別好食，不過馬鞍山黎講，已經好好。有時始終都係呢d大品牌既好。

有時病左or想食清淡d，係一個好好既選擇👍🏿
天寒地凍，去食碗熱粥，真係唔錯👍🏿

Mangosteen Thai Cuisine (尖沙咀) - 尖咀樓上泰式餐廳小店

當晚聯同小編共三人，一男兩女黎呢度食晚飯，食物味道唔錯，有泰國本土風味，係傳統泰菜，雖然唔係話好有驚喜，不過感覺好過下下去九龍城食小曼x禁悶🙈

環境方面位於Ashley rd既樓上鋪，地點方便，餐廳內又唔會太嘈，枱的數目唔太多，都會建議先打電話去訂位比較安全😊

當晚叫左一個二人套餐，另加左一個炭燒豬頸肉+青咖哩，份量岩岩好，因佢每碟菜的份量唔算大，可到時再衡量

冬陰公湯 (二人餐內的，有一煲，供三人飲用)

海南雞 (二人餐內的，雞嫩香滑)

泰式蝦餅春卷 (二人餐內的)

青咖哩 (散叫，香濃咖哩味，微辣)

泰式豬手 (二人餐內的，非常好食，好林好入味)

炭燒豬頸肉 (散叫)

Apple cider (散叫，做緊promotion $25 兩支，不過唔好睇佢支野禁放，杯入面只係冰粒而並非碎冰)

生昌潮州海鮮酒家 (大圍) - 大圍小菜打冷熱門餐廳食物大大碟

大圍都出名多野食，要搵野食都唔會困難，不過呢間打冷小菜就並唔係係大圍市中心地區，起碼唔係大圍火車站附近，而係係顯徑村附近既，如果大圍火車站行過去，都要15-20分鐘，所以未去過既朋友唔識行或唔想行既話，都可以係大圍火車站坐架的士去，10分鐘內會到，係正門口落。

講返食物質素，我地一班人去gathering，全男班6個人一共叫左6個菜，加幾支啤酒，本身都怕唔夠食，因為大家都幾大食，哈哈。。。不過大家睇下相就知。。好味得黎大大碟。。性價比高到不得了。。大家睇睇d相。。。

鹽焗烏頭 (招牌菜) 👍🏿👍🏿👍🏿👍🏿👍🏿
好好食不過咸身左d，不過肉質好香好林

鹵水拼盤 (招牌菜)
上到枱都重熱，每樣都做得好重鹵水味好林

上方: 咕嚕肉 👍🏿👍🏿👍🏿👍🏿👍🏿
不得了，香脆內軟，味道岩岩好

下方: 沙茶牛肉炒芥蘭 👍🏿👍🏿👍🏿👍🏿👍🏿
牛肉大大塊，沙茶醬同芥蘭既配合度高

沙律醬燴蝦球 👍🏿👍🏿👍🏿👍🏿👍🏿
正喎比預期又，以為會好膩，但唔會之餘配上蝦球係正點的

大蠔餅
打冷野真係唔少得蠔餅，呢個蠔餅一d都唔hea，粉薄唔油，入面多汁多蠔好香口

最後我地都將所有野食曬無剩，所有菜式都性價比極高，真係好快又會再去食😂不過都要留意，因為佢其實唔係係d咩商場or大排檔果d場地，係自家生意，係係村屋既地下黎，所以佢既枱數唔算多，都需要自行搵位等位。

唔介意坐耐d或早d食既朋友就可以早d去了😉