明星海鮮舫 (沙田) - 呢個晚市優惠無得輸

今年屋企食團年飯就選擇左係呢度食，沙田其中一個地標，入去食飯好似好有氣派禁，應該會係一家人做節既好地方。

除左屋企既小朋友好耐無黎過呢隻船食野(當然呢隻船已經係固定左係一個位好耐)，會覺得新奇之外，就係睇中左明星推出既晚市優惠，想食海鮮，又平平地但有質素既，真係誠意推介呢度

0

0

0

-->片皮鴨，肉多半肥瘦，配埋青瓜加醬汁，當然重有塊皮，$108 呢個價位，直頭滿分啦！ (出面d明星分店好似$78就有交易添)

0

-->蒜蓉粉絲蒸扇貝，大大隻，肉質新鮮，適量粉絲，無記錯既話，$68就有4隻。。真係唔知邊度搵，無得頂。

0

-->明星小炒王，呢個菜同當晚其他菜相比，其實無咩特別，因為都係想食多少少蔬菜，呢個又幾得意禁😌

0

-->薑蔥焗廣島蠔，呢個菜小編都好鐘意食，除夠香口之外，本身都好岩鐘意食蠔既朋友啦當然！不過呢度個蠔都幾得意，佢真係原隻廣島蠔，似係筒蠔果隻，原隻整上碟，因為通常出面酒樓都係細隻d，或者分細d禁上既，所以呢度都幾特別

當然，好唔好食就唔洗多講啦😋

0

-->清蒸大魚一條，都好食既，不過小編就覺得佢可能蒸得過火左d，肉質孩身都小小，不過整體可以👍🏿👍🏿

0

-->當紅炸子雞，味道 10分入面都有8.5架啦，如果上碟d再熱d，隻雞再瘦少少，禁就100分添啦！

0

-->蒜蓉炒豆苗，點都要食d菜既禁多肉，佢呢度d菜既選擇唔算多，豆苗炒要另外再加$20蚊添，不過都唔緊要，食落都幾好食既，大眾化，又岩一家大細👍🏿

0

0

到最後就叫埋個雷沙湯圓做結尾(因為無送糖水or生果🙈)！唔錯，又唔太甜，用呢個做結尾真係幾好，起碼唔洗下下都紅豆沙或者壽包😂

今餐一同8個人食，7大1小，全部野都食曬，除左好味之外，可能大家都餓掛😂埋單除返每人都係大約$160，其實真係唔錯，大家都不妨試試👍🏿👍🏿

(以上純屬個人意見，不喜勿插)