屋子生活 (馬鞍山) - 食環境 食感覺 區內難得一見的餐廳

呢間餐廳係馬鞍山一開，已經名聲大噪，本身大圍都有分店既佢，開到入黎馬鞍山，其實大反應都相對地正常，因為馬鞍山真係有 美食荒漠 同 米線之都 既美譽。。。。

如今有一間好feel，可達度都相對較高既新餐廳誕生，作為馬鞍山友的小編當然都感到開心👍🏿👍🏿

入正題了呢間餐廳開係迎海，其實都好既，舒適既感覺都隨住呢個禁貴既樓盤而提升😂，成個感覺都無咩違和感

0

店內既環境都以文青禁既感覺設計，舒適得黎都幾特別，坐位設計有大枱之餘，有上圖中向牆而坐既坐位。

另外亦有下圖既塌塌米坐位，一共四張，今次小編就坐左呢個位，不得不先提的係，坐呢個塌塌米位係一定要除鞋先可以坐既！大家要留意喔

0

而係塌塌米後既，正正係一大塊落地玻璃(見下圖)，天然光射入黎店內，天氣凍凍地果陣都幾舒服，(可能夏天就辛苦d...) 不過成件事好舒服，好放鬆👍🏿

0

睇完環境，可以睇睇佢既餐單了😂，我只用兩個字黎形容 ---> 特別！

0

0

0

0

係時候講下重點了！就係佢d野食啦，不過只想講，可能對佢期望相對過高，其實佢d熱食就真係比較一般。。可能正如我標題話，真係食環境，食感覺！

小編同友人叫左兩個定食，一個係吉列豚肉，一個係關西牛肉。吉列豚肉相比下都還可以，不過關西牛肉味道真係一般，牛的肉質都比較(鞋)，d汁亦比較淡味，加上配有煮得好林既粉絲，整體都唔係話真係好好食

0

0

食完呢兩個定食後，都諗住叫埋個甜品做尾聲既，始終果兩個定食都未能完全填滿滿足個胃🙁🙁

0

0

而言甜品佢又ok既，相對個定食，呢個滿足度會比較高，一個係芒果千層塔，另一個係香蕉士多啤梨吉士窩夫。當然如果要同出面糖水店比較，呢度一定無禁好架啦，不過都唔錯既，可以一試👌🏿👍🏿

總結係，整體黎講呢間cafe係唔錯既，不過食物質素可以提升，但佢絕對會係一個比三五知己，甚至自己一個，舒舒服服飲杯野，食件cake既一個好地方👍🏿👍🏿

而最後最後，要留意既係佢係有最低消費架！
係每人一杯飲料！！大家記得留意啦😋😋😋

0