B07芝士雞鍋 (新蒲崗) - 支持小店系列 特色芝士雞鍋

今日小編聯同一位友人來都新蒲崗廣場試試呢間由朋友介紹嘅芝士雞鍋！據說佢係一人一鍋嘅形式咁樣去食既👍🏿

呢間餐廳個位置，如果未你過新蒲崗廣場嘅話，可能你會覺得有少少難搵，因為佢係位於商場嘅一樓，但佢哋嘅鋪位並唔係寫住位於一樓，而係B樓。而今啱呢間餐廳就係位於B層嘅07號舖，所以我諗佢哋就全名叫B07芝士雞鍋！方便又易記！

而差唔多黎到餐廳鋪位嘅附近，喺遠處都已經見到呢個易拉架，所以就知道我哋已經到咗啦！

0

入到餐廳入邊，佢嘅環境比想像中細，但原來佢正正就係一間小店，當時只有前面一台客人喺度食緊。所以成個環境雖然唔係好大，但係就有種舒服寧靜嘅感覺，咁樣去食雞煲其實係有少少特別嘅。

0

0

黎都睇Menu啦，餐廳負責人亦都好細心咁即問小編同友人係咪第一次來呢度食。原因係原來負責人想為我地介紹一下係點樣睇呢啲餐牌同埋選擇配搭！所以就算第一次來呢度，都唔會唔識得叫嘢食。以上幾張就係主餐牌，入面包括各種嘅芝士雞鍋，同埋傳統普通嘅打邊爐鍋，呢兩款亦都係餐廳主要嘅菜式。

0

呢張係比客人用作加追拼料用嘅，當中所提供嘅配料數目亦都唔少，亦都有唔同價錢之分。以佢嘅份量，大家一陣就會睇到。

0

** 紫薯風暴雙重芝士雞鍋： ＄89

由於佢係用一人一鍋嘅形式去設計嘅，所以小編同友人就分別叫咗一個芝士雞鍋同埋傳統嘅打邊爐鍋以便share去食。

先上枱嘅就係呢一個好特別嘅紫薯芝士雞鍋！真係聽到個名都流晒口水，特別係鍾意食紫薯嘅你。佢呢個鍋除咗配有雞件之外，亦都包括一個麵餅，客人其實係可以揀公仔麵/拉麵/或者烏冬都可以。咁最後小編就揀咗烏冬既。

講講啲雞件先，啲雞嘅味道唔錯，醃得好入味。將啲雞放落個紫薯芝士鍋入面煲一煲，其實就已經食得，因為餐廳已經將雞件事先煮熟。雞件並非已去骨，雖然食嘅時候有啲唔方便，但係就可以令到啲紫薯同芝士卡住係啲雞骨同埋整舊計件上面！增強口感。

另外，呢個紫薯芝士鍋係非常足料，因為係用新鮮嘅紫薯熬製，味道偏淡，紫薯味道一開始並不突出，芝士亦非很濃厚，但係先值得一讚嘅就係完全食唔出有味精係個湯底入面，可謂清淡嘅紫薯芝士湯底配以相對濃味嘅雞件，整體感覺係唔錯嘅。

0

而當個湯底愈煲愈濃嘅時候，紫薯同芝士嘅味道開始越來越強，而成個鍋亦都開始越嚟越傑👍🏿感覺上真係開始越食越好味！

0

有見及此，所以小編都將剩低嘅烏冬成個放曬入個鍋度，令到成個鍋再進一步傑啲，呢個時候真係好食到不得了！直頭將成個烏冬清左！所以紫薯同芝士嘅威力其實都幾犀利。

0

** 美國特選肩胛肥牛鍋湯麵： ＄73

另一個鍋所叫嘅，就係肥牛鍋湯麵。呢個鍋相對紫薯芝士雞鍋嘅特別程度較低，感覺係似傳統嘅打邊爐，而唯一相對比較有特色嘅，就係小編選擇咗餐廳提供嘅龍蝦湯湯底。

龍蝦湯湯底味道唔錯，唔會太咸亦唔係辣。而當中嘅肥牛，餐廳所選嘅係美國特選肩胛肥牛，食落感覺新鮮，口感唔錯，真係好有牛味，而重點係佢同個湯底係夾嘅！唔使講，出前一丁打邊爐就真係其中一樣必定要出現嘅賠了之一！

0

** 追加食品: 豬頸肉，雞髀菇，特濃芝心丸各＄9

以上嘅就係小編加追既拼料，其實份量唔多，我諗餐廳係因應該枱客人嘅數量，而作出調整嘅，你小編所加嘅配料分別係芝士丸，豬頸肉，同埋雞髀菇。令到兩個鍋都可以加點色彩。

0

係總結之前，小編希望一讚嘅就係餐廳所用嘅gas火種都好強大夠力，唔會話食食吓突然間冇咗火，因為其實呢樣野都幾掃興嘅。同埋所選用嘅gas火種，感覺上都好安全，令食客有種安心嘅感覺。

總結係，呢間小店主打芝士雞鍋，亦有傳統普通嘅打邊爐，一人一鍋，價錢適中，餐廳負責人嘅服務態度亦都好好。如果大家去開新蒲崗，真係不妨一試，支持小店👍🏿👍🏿