K2 Kitchen (觀塘) - 工廈食個高級西式午餐
因為小編係呢度附近返工，經過朋友嘅介紹，小編就連同兩位友人，今日一齊來呢度嘆番個午餐。來之前其實都做過啲資料蒐集，知道呢間餐廳位於工廈，而價錢以午餐來講亦都算係比較中上級， 所以相對嘅期望都比較高。
呢間餐廳位於呢個工廈嘅13樓，其實一出lift，都好容易就睇到呢間餐廳嘅位置，依家去到門口位，其實都會感覺到呢間餐廳嘅高級設計，但係又會配合到身處喺工廠大廈嘅你。
(sorry打橫咗張相)一坐低睇睇個Menu ,主要其實都係食lunch黎，價錢由＄68至＄158不等。小編同一位有人咁岩都係揀咗H餐，而另一位就揀咗F餐。
係佢個set lunch未黎之前，侍應就先俾咗一個前菜小食我哋，佢係芝士提子餅乾，就好似一個welcome food咁樣，先比客人清一清個口。而隔離果三條餅條，相信就係比客人配以飲湯用嘅。
個湯黎到啦，今日個湯系肉桂南瓜湯。佢嘅味道唔錯唔會太濃烈，唔會太鹹，相反佢個南瓜味就比較重，肉桂味道略微，但係成個感覺飲落都好舒服，好開胃。
第一個主菜嚟啦！呢個就係另一位友人叫嘅F餐，佢係香燒羊肩！友人都分享左少少比我試，其實可以話係我偷左佢少少嚟食😂第一啖食落去，就已經食到羊既果陣羶味，但係又唔會太重，連平時唔多食羊嘅我都覺得好好味。所以覺得呢個餐分分鐘仲好食過我自己叫嘅嗰個添！
不過當我自己嗰個嚟到嘅時候，完全打消左呢個年頭，因為小編叫嘅呢個就係香煎鵝肝伴牛柳！其實呢個餐一上枱嘅時候，就已經聞到震震嘅鵝肝燒香味。先講呢份餐嘅鋪排，真係完全有高級西式餐廳嘅感覺，完全唔覺自己身處係工廈嘅一間餐廳，淨係呢份感覺都已經值咗呢個價錢嘅一半。你見到圖中嘅左邊，其實係伴菜黎，雖然得果兩三舊，但係成樣嘢個感覺真係好友鋪排。講返個主菜，小編第一啖當然就係試一試個案先。經過香煎嘅鵝肝，真係好唔同，佢嘅味道相當濃郁，放落個口度都已經即刻溶左，當你食增資嘅時候，佢鵝肝嘅油一路慢慢湧出來，佢呢個鵝肝真係做得好成功。而呢個鵝肝嘅大小亦都唔會好細，如果只係講呢件鵝肝係呢個餐上面，佢嘅性價比係真係超高。所以佢喺Menu入邊都係最貴嘅價錢，都係正確嘅。而鵝肝下面嘅牛柳都唔錯，小編就揀咗五成熟，又係做得唔錯，佢嘅肉質軟硬適中，五成熟嘅佢一放落口咬，入邊嘅肉汁亦都隨之支出嚟，真係不得了！其實本身都驚有啲唔夠食，因為其實佢嘅份量唔太大，但個餐另外都配有一碗飯，所以係一定夠食嘅。
終於食完個一百分嘅主菜。真係不得了。而最後就到今日嘅是日精選甜品，佢係檸檬士多啤梨蛋糕，細細舊，清香嘅味道，令到你就先食完一個比較濃厚嘅主菜亦都唔會覺得太多，所以係唔錯嘅。
而最後小編係餐飲方便亦都揀咗伯爵紅茶作為今餐嘅尾聲，已經驚喜地方係餐廳喺伯爵紅茶嘅選材方面就用左 Twinings 嘅茶包，因為小編都知道呢間野嘅茶係高質素，價錢亦都相對唔平，所以真係覺得有驚喜，同時加強左小編認同喺餐廳選材方面嘅質素同肯定。總括而言，食物嘅高質素，配合餐廳嘅環境，同埋餐廳侍應嘅高服務質素，真係好似係啲大商場嘅高級餐廳度進餐禁！如果大家去開呢頭，又想試吓係工廠大廈食一個唔錯，比較高質素嘅午餐，你間餐廳絕對值得一試！
沒有留言:
張貼留言