Ocio (大圍) - 高級文青靚餐廳 大圍鬧市的後花園

今日小編同一位友人嚟到呢間位於大圍嘅Cafe餐廳試吓佢嘅晚餐，本身都聽過呢間野個名，不過就係旺角嘅分店，見佢係大圍都有，所以就來試試佢啦。

佢嘅餐廳位置其實離大圍港鐵站大約都有10分鐘嘅路程，如果唔熟大圍嘅朋友，應該都要開着Google Map前往。

望一望個鐘已經係晚上六點，行到來餐廳一入門口就已經見到有好多客人坐咗喺度，由於餐廳唔係太大，所以枱嘅數目都比較細，感覺係一間小cafe黎。

不過都好好彩咁啱有一張四人枱係近門口嘅位置，所以好快就可以坐低啦。而餐廳嘅環境，一入去就已經覺得幾舒服，因為都真係幾有文青氣息。

0

0

上面呢個係餐廳既set menu，堅佢都好多選擇，由＄128嘅All Day Breakfast，到＄228嘅安格斯牛扒都有得選擇。而每個套餐都包餐湯或沙律，餐飲同埋甜品。你Menu嘅底部亦都可以講係有三款嘅小食可以比客人追價加。

最後小編同友人就分別叫咗一口和牛乾菌意大利飯，同埋焗芝士菠菜蟹肉千層麵👍🏿😋

0

你其實除咗傳統普通嗰啲套餐之外，餐廳另一個主打同推介其實係佢哋嘅抹茶朱古力火鍋😀👍🏿不過因為小編同友人比較肚餓，所以就冇叫到呢個火鍋啦。如果唔係都真係想試一試！

0

套餐附送嘅是日例湯：雜菜湯，配香草麵包

0

呢個就係一口和牛乾菌意大利飯。平時比較少食意大利飯嘅小編就覺得，呢個飯個口味其實比較淡，意大利飯本身都係比較濕身，以佢既一口和牛亦都比較淡口味，所以令到成個飯都比較平淡。呢個飯係適合一啲唔想食太重口味嘅朋友！而小編就覺得啲和牛其實可以重味少少，加強返成個飯嘅味道。

0

餐飲揀咗荔枝梳打同朱古力咖啡。呢杯朱古力咖啡唔錯，好好飲！

0

0

呢一個就係焗芝士菠菜蟹肉千層麵。第一張相可能睇得唔清楚，第二張相係黎個close up。其實佢嘅味道都係唔錯嘅，不過有少少搞笑嘅係，佢嘅千層麵並唔多，成個麵當中，菠菜所佔嘅比例非常高，所以其實似係食緊小菜禁🙈不過整睇成樣野係唔錯嘅！

0

呢個係追加＄39嘅雞翼，一共五隻，佢炸得好香口，面頭嘅粉唔算太多，可以配以右上角嘅芥末醬，或者店員都好細心會自動波咁拎一支茄汁比你任支！🙈

0

係食甜品之前，小編再睇一睇個Menu發現餐廳其實有一個最低消費嘅要求，係每位最低消費＄45 ,所以大家要留意啦！

0

最後食埋呢個是日甜品，系奶凍！店員表示有三款味，小編所揀嘅係原味同抹茶味，另外仲有熱情果未添。呢個奶凍都幾好食，原味嘅奶味好重，而抹茶味嘅味道亦都很濃厚，但有一啲苦，係啱晒鍾意食抹茶嘅朋友仔嘅。