美味園 (九龍灣) - 附近打工仔嘅飯堂之一

呢間位於九龍灣商業區入邊嘅餐廳，每逢去到午飯嘅時間都總會好多人出出入入，小編有好幾次都入唔到去食！因為九龍灣呢個地方食晏真係多人到不得了，今日終於去到啦！所以入去試試先！啱啱踏入一點鐘嘅時間已經有好多人，所以都事不宜遲即刻睇睇個Menu先。

0

是一係星期三所以小編同友人就分別點左A餐同C餐，分別係香煎蟹子龍脷柳，同埋豆腐炆腩仔。

0

呢個香煎孩子龍脷柳，味道都算為清淡，完全唔重口味。首先意粉已經係無味嘅，而佢呢個龍脷柳，食落口好似亦都無配有任何嘅調味料，因為只有淡淡的香煎味，亦都配上淡淡嘅忌廉汁，所以成件事真係比較清淡而唔濃味。所以啱晒啲唔食重口味嘅朋友。

0

而另外呢個豆腐炆腩仔，味道相對唔錯，因為調味適中，唔會因為腩仔喺度而變得太鹹，豆腐亦都唔會煮得太林。佢嘅份量唔算多，不過就真係舊舊肉都有舊肥膏喺度啦。