譚仔三哥米線 (赤鱲角) - 勁 黎都機場都要食！

譚仔三哥真係開到成行成市，去到邊都要食，好鍾意食。甚至乎來到機場，坐飛機之前都要食返個譚仔三哥。

0

呢間譚仔三哥位於客運2號大樓，店內嘅環境唔錯，枱嘅數目都算多，當然大部份嘅食客睇得出都係係機場工作嘅。

0

一坐低睇睇個Menu就見到同出面市區嘅譚仔三哥有個不同之處，就係佢有個優惠套餐比你叫嘅。佢呢個套餐又唔係平時市區帶嗰隻超大型套餐，而係可以揀兩款食材清湯底米線， 再平一杯野飲餸俾你，凍熱同價，價錢係＄44。計反條數其實同市區嘅價錢差唔多，呢個都算係有驚喜嘅，因為係機場食嘢真係幾貴。

0

0

而對於碗米線既意見係，小編同友人都分別叫咗胡辣同埋清湯， 兩碗都得出嘅結果係，佢個湯底都比較淡，感覺上唔係落少咗味精，而係只加多左水，所以食落有種口淡淡嘅感覺。呢個就係同喺市區食譚仔三哥嘅最大分別，而其他方面都唔錯。

如果大家去開機場，又諗唔到食乜嘅話，平平哋呢一個都係唔錯嘅選擇。