彩福皇宴 (沙田) - 抵食彩福龍蝦節晚市優惠

睇到酒樓嘅晚市優惠宣傳係龍蝦節，平時食隻龍蝦都好鬼貴起碼百幾蚊一斤今日佢呢個優惠就係＄78左右就有一斤二兩嘅加拿大龍蝦食！淨係呢樣野都冇得唔去試試佢啦！

0

今日小編同6位朋友預先book枱去石門呢間彩福分店度食呢個龍蝦節嘅晚市優惠，好彩book咗枱，因為差唔多大半個場都比人book咗，應該係嗰啲屋村晚飯活動，所以我諗如果真係walk in嘅話就唔使食喇。咁唔啱所以我哋被安排左入VIP房坐。

0

好！跟住落嚟就直接介紹下啲菜啦！

0

***例牌中式煎牛柳條： ＄90 

呢個牛柳炒得唔錯嘅，其實有大排檔嘅味道添，都幾夠鑊氣，不過啲肉質相對比較un啲，鍾意食牛嘅朋友可以試一試，但係如果唔想食太多肉嘅朋友呢個就可以選擇其他。

0

*** 脆皮南乳雞一隻： ＄113

呢隻雞真係不得了，賣相睇落已經唔差，上到枱都仲係熱辣辣，食落去非常香脆，肉質好亂，咬落去入邊仲有好多肉汁，再點買佢嘅南乳汁，真係不得了非常強烈推薦大家可以叫呢隻雞🤣😂

0

*** 彩椒鳳梨咕嚕肉： ＄78

酒樓嘅咕嚕肉真係食得多，但係有水準嘅其實真係唔多，呢個咕嚕肉就正啦，夠鑊氣之餘，佢醬汁調教方面又唔會太酸又唔會太甜啱啱好，佢嘅咕嚕肉肉質亦都好嫩唔會太un亦都唔會太硬， 10分來講都真係攞9.5分啦。

0

***紅燒北菰豆腐煲： ＄72

呢個豆腐煲就中規中矩，味道唔錯，菜式來講係比較清淡的一樣，唔好睇佢啲豆腐好似好黑蚊蚊好鹹咁，其實又唔會喎！成個煲都幾好食。

0

***瑤柱蛋白炒飯： ＄88

又係唔錯嘅一個炒飯，叫一個呢個飯好過就咁整碗白飯！

0

*** 魚香茄子煲： ＄78

呢個魚香茄子煲真係不得不讚， 10分來講我真係會俾足10分佢，雖然佢係偏鹹咗少少，但係佢嘅鑊氣非常充足，識落唔會太油之餘，攞嚟撈飯真係一絕，真係有10碗飯都可以食晒佢！呢個魚香茄子煲真係高度誠意推介大家可以叫黎試一試嘅！

0

***砵酒薯角美國蠔煲： ＄90

呢個就真係一般啊，可以講係全晚所叫嘅菜式入邊比較遜色嘅一個煲，其實小編好鍾意食蠔，所以見到呢個菜都即時話想食呢個，但係佢嘅味道就比較強差人意，食落去冇乜砵酒嘅味道之餘，亦都唔重蠔味，唔係唔新鮮，但係感覺係呢一個煮法同佢呢個嘅味道係唔係太配合，所以如果以分數來講就真係比較低分啦。

0

***四隻大龍蝦： $351.2 (每隻大約一斤二兩)

呢個係全晚嘅重頭戲菜式，來呢度食嘅其中一個原因最主要都係為咗佢！侍應一拎呢碟龍蝦埋枱嗰陣，全台人都只係得一個，嘩字！因為真係好大碟，以佢嘅賣相都做得好好，龍蝦上面鋪滿大量嘅蒜蓉同埋沖粒，呢個已經係一個抵讚嘅位，因為真係比足材料。而佢嘅味道都真係香得好緊要，所以即時要整返隻，佢肉質可能會比較硬少少，但係佢肉質係鮮甜既，大大隻嘅龍蝦放係你面前，真係唔知點食好，蒜蓉開邊蒸呢個方法真係冇得輸！正呀！