Grand Library (九龍灣) - 特式日韓lunch 價錢中上級

九龍灣商業區實在太多寫字樓，所以一到午飯時間就會人群蜂擁而出，真係想搵個位食飯其實都有啲難。特別係茶餐廳，譚仔等等根本都好難等到位。

所以如果咁啱喺呢度附近返工嘅朋友，而又想坐得舒服少少，大約＄60-70食一個lunch又可以接受到嘅朋友，不妨來呢間餐廳試一試，其實都算係唔錯嘅選擇。

0

模式有少少似大家樂果類咁樣嘅餐廳，一入門口先係收銀處俾錢買餐，跟住就可以拎一個接收器同埋張單搵個位坐定定，你個餐就會有專人自動送過嚟俾你👍🏿

0

因為第一次食，又想食飽少少，又搵個穩陣嘅，所以就揀咗咖喱吉列豬扒飯。價錢來講其實都算貴，因為加埋凍飲兩蚊其實呢個lunch都要＄70。咁但係其實佢個份量都算多，除咗個飯之外其實都仲有一個麵豉湯係跟埋個餐嘅。份量呢，小編就覺得都足夠嘅，同個價錢都算係屬於正比。

而味道方面，個咖喱汁係好食，唔會太稀，係比較傑啲嘅。但係啲豬扒其實就稍為硬左啲，所以小編覺得呢個係其中一個可以改善嘅地方。另外，可能因為午飯時間太多人嘅關係，其實個飯餸上嚟嘅時候，成個飯都唔算太熱，所以呢方面我諗餐廳亦都需要注意一下。

0

總括來講，呢間餐廳嘅環境同埋食物質素係唔差嘅，不過個性價比就算係一般，同埋餐廳亦都有需要改善嘅地方，但係大家亦不妨可以去試一試。