其實呢間野真係充滿回憶，因為係幾年前年甜牙牙真係好出名出名到不得之了，嗰陣就係正值MK年代。
當晚小編同埋友人食完飯大約九點半嚟到呢度，見到入邊都坐滿晒人，甘啱有一張二人枱，所以唔駛等就可以入去啦。
每次嚟到都真係有啲選擇困難症，因為好多甜品都好似好好食，但係最後我哋都係揀咗呢兩個。
0
呢個芒果涼粉小丸子其實味道唔錯，都算係大路嘢，小丸子煙煙un un ，加埋爽口嘅涼粉，真係唔錯。不過佢個芒果汁同埋個芒果都相對比較酸，所以其實比較難入口少少，不過整體都尚算不錯。
0
呢個宇治金時號就啱晒鍾意食抹茶嘅朋友仔，我鍾意佢嘅原因係因為佢其實所有野都好夾，首先有小編最鍾意嘅小丸子，竟然仲用咗美祿波波作為有朱古力元素嘅一邊，雪糕下邊其實都分別鋪左紅豆同埋西米。
呢一個抹茶雪糕都好好食，都係比較濃味既，大有少少苦添。你小編覺得有少少搞笑嘅係，中間攝咗幾塊好似炸脆煎堆咁嘅嘢，其實有少少唔係好夾同個甜品，不過可能呢個就係宇治金時號嘅特點啦哈哈哈。。
沒有留言:
張貼留言