紅雙囍 (觀塘) - 原來改左名叫大龍鳳 大大碟

觀塘出名多嘢食，好多餐廳其實都隱藏左係啲工廈下入面，原來呢間都唔例外，佢仲要係係一個food court入邊，而小編嘅朋友咁啱就帶小編去咗呢間隱藏到都幾高嘅餐廳度食個lunch。

原來呢間野已經改咗名叫做大龍鳳，小編都係因為喺呢度搵唔到大龍鳳呢間餐廳名， search返個地址先知原來紅雙喜就係而家嘅大龍鳳。

其實大龍鳳係係一個food court入邊，一入到黎就好似入咗一個大food court ，得意嘅係你要首先係一個收銀度買嘢食俾錢先攞咗張單再去所屬嘅餐廳取餐。其實咁樣嘅做法都唔錯。而重點係好似入邊每間餐廳都好好食，又有選擇困難症啦。

0

而小編今日就揀咗呢個，椒鹽豬扒飯。佢呢個飯整得唔錯，先講啲豬扒，炒得好入味，有少少微辣，但係都幾重口味，啱晒鍾意食濃味嘅朋友。雖然佢都整到有少少油，但係下面啲菜就中和返晒啦。

而不得不讚嘅地方係，佢真係每一碟小菜都整得好大碟，份量都幾多，總之就大大碟。因為除咗小編自己果碟豬扒之外，眼見其他人食嘅餸，都係大大碟，例如見到有，魚香茄子，密椒炒雞中翼，京都豬扒等等。真係見到都好想食。

0

0

0

0

而呢間大龍鳳真係有好多選擇，好多款小菜俾你揀，而價錢亦都係可以接受嘅。雖然佢冇下午茶餐，但每逢兩點後，每個餐都會減＄10 ,真係非常抵食，性價比係非常高嘅。

如果想食好味嘅小菜，嗰日又幾肚餓，又唔介意坐喺food court咁嘅地方度食嘢，大家不妨一試呢間。