新匯聚餐廳小廚 (觀塘) - 大碟夾抵食 性價比極高

觀塘區嘅茶餐廳多不勝數，但係要搵間好食， CP值又要高嘅話，剩低嘅選擇真係唔多！而呢一間嘅性價比就好高，樣樣野都大大碟，味道唔錯，小炒亦都夠晒鑊氣，絕對值得一試再試！

0

0

先講門面，當你見到有呢個咁嘅迷你招牌，同埋牆身嘅餐廳介紹之後，其實你就到左餐廳既樓下架啦😀👍🏿

再行多一層樓梯上去，就到餐廳既正門架啦🤤
👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿👇🏿

0

0

一入到去其實已經見到好多客坐左係度，時間係1230，由於小編同一位友人去共2人，前面近門口既大部分係大枱，卡位又比人坐曬，所以就坐後少少既位

0

而點餐既個環節係靠自己既，一入黎餐廳，就會見到個大menu同cashier，大家一睇就會明呢個係大x樂同大x活既點餐同運作模式🙈👍🏿

點完之後就係可以搵位坐定定等食架啦，因為cashier會比個number牌你，侍應們就會將你既order送到你既枱比你👍🏿

0

係時候要講下野食啦！今日我地就叫左一個餐廳推介/皇牌既鐵板午餐，鐵板西冷牛扒。同埋一個干炒牛河👍🏿

先講講個鐵板，一嚟到就已經聞到香噴噴嘅鐵板味，塊扒嘅大細亦都唔細，都差唔多足足有成塊鐵板咁大，左邊嗰度係碎蛋沙律，又邊個細兜就係黑椒汁。

而餐飲方面，兩杯餐飲都選擇咗係有汽鮮檸蜜，因為呢個相對比較少見，而跟餐亦都唔使另外加錢，所以試試佢，都幾好飲味道唔錯唔會太甜又有啲開胃，就算無論食鐵板或者小炒都幾適合👍🏿

0

上面幅圖係呢間餐廳嘅其中一個加分位，就係食鐵板用嘅刀，餐廳會用紙巾包住，以防食客界傷，亦方便取出，幾細心，值得加分！

0

雖然餐廳冇問你究竟塊牌要幾多成熟，但係嚟到嘅時候其實大約見到佢係七成熟左右，都比較主流嘅，因為唔會太熟又唔會太生，而切開可以睇睇係冇血水，切嘅時候已經覺得啲肉質都幾亂嫩，食落口就應該不得了！

0

其實真係睇相都覺得呢塊扒幾好味啦係咪先！

0

呢個沙律嘅味道都唔錯，唔似平時啲伴碟沙律，因為感覺呢個沙津係自家製嘅，係碎蛋粟米沙律，都比較少見，味道都唔錯，鍾意食碎蛋嘅朋友真係不妨一試！

0

另外一碟就係乾炒牛河，相信大家都可能聽過一間茶餐廳好食唔好食，乾炒牛河絕對係一個具影響力嘅菜式之一！又係一嚟到嘅時候，呢碟野嘅味道已經滲晒落個鼻，見到佢嘅色水唔錯，份量多之餘，感覺上亦都唔太油，因為大部份嘅乾炒牛河都炒得比較油膩👍🏿

0

大家可以近鏡睇睇，其實可以睇得出佢嘅乾炒牛河真係唔太油膩，成個感覺都食得比較舒服，而碟牛河入邊既牛嘅份量其實都幾多，所以絕對抵食！

總結係，呢間野真係大件夾抵食，性價比超高，絕對係觀塘區一眾打工仔嘅飯堂！